استراتيجية لاحتراف الرومان

  • السلام عليكم ورحمة الله وبركاته


    قبل لا ابدا بوضح كم نقطه


    انا اكتب من الجوال وهذا صعب جدا بالنسبة للي لذا اتمنى تقدير الموضوع



    هذي الاستراتيجي موجهة لمستخدمي الذهب ٦٠٠ على الاقل


    وهذي المهمة بتوجهك لين التحف وبعدها بيصير الخيار لك


    انا استخدمها بالسيرفر السريع فقط وما اعرف عن فعاليتها بالسيرفرآت الثانية


    اولا بناء قرية ثانية


    اتبع مدير المهمات واسمع كلامه لين ما توصل لمهمة بناء الثكنه اسحب على مهمات الجيش وركز على المهمات الثانية ولما يتطور البطل عندك اول مرة حط ٣ نقاط على الموارد ووحدة للمكافاءة الحربية عشان ما يموت البطل في المغامرات وعشان في مهمه بتقولك تحط نقطة لمكافاة الهجوم، بيع كل اغراظك بالمزاد لأنك ابدا ما تحتاجها وراح تجيب منها فضة كثير بالذات الاقفاص وطور مخزن الحبوب ل7 الحقول لين ما تصير كلها 4 والقمح لخمسه 5 وراح تطور

    السكن ل١٠ وتطلع ٣ مسطوطنين وتستخدم مبادلة الموارد عشان تسرع الموضوع وطبعا انت مفروض يكون عندك ٥ جندي اول ٣ من المغامرات و٢ من المهمات وراح تنهب بيهم على بال ما تطور السكن وتجيب المسطوطين طبعا لا تنهب الا الواحات اللي فرغوها جيرانك الجرمانيين ولاحظ اني ما طلبت منك بناء ثكنة يعني لا تدرب ولا جندي واسطوطن في قمحية 150% في منطقة بعيدة عن لعيبة السيرفر يعني بعيدة عن الستر والمشاكل وترسل لها البطل بعد ما تخلص، طبعا انت يمكن تقولي ليش اسطوطن بعيد وكيف راح انهب، لكن لا تخاف اولا عندك ساحه المعركه اللي بتخلي الجنود يوصلو للأهداف البعيدة ثانيا حتكون عندك مزارع بعيدة عن المحترفين ومحد ينهبها غيرك ثالثا راح تكون بعيد من المشاكل ولو افترضنا انه واحد من أعدائك هجم عليك بيكون عندك وقت عشان تفكر وتجيب تعزيزات و رابعا حتقل احتمالية انه احد يسبقك ليها ومسطوطنينك بالطريق


    يتبع...

  • ثانيا مرحله تطوير القمحيه والتوسع :



    دحين انت فتحت قمحيتك ومفروض انك من اول 10 قمحيات بالسيرفر والحين راح ترسلها بطلك وراح يكون عندك اكثر من 24 ساعه قبل الحماية في القمحيه طور حقول القمح والمخازن عن طريق بالمبادله ويفضل مخازن الحبوب سعتها 3 اضعاف المخزن وفي نفس الوقت ابني الاكادميه ووصلها ل10 وافتح البلديه وافتج احتفالات صغيرة في ,القرية الاولي راح تدرب فيها 100 جندي اول قبل انتهاء الحمايه وانهب الواحات راح يكون جيش بسيط لاكن كافي انه تنهب فيه وطور الحقول لاعلى مستوى تقدر عليه وبرضو طور الاكادميه وابني بلديه وسوي احتفالات ولا تنسي انك تطور القصر بالقمحيه وتطلع مسطوطنين وكذا بتجيب قرية ثالثة من اول اسبوع



    القرية الثالثة هي بتكون القرية اللي بتحمل جيشك مستقبلا لذا يفضل انها تكون 9-3-3-3 ولاصقة بقمحيتك


    لما بالقرية الاولى بتوصل ل500 جندي اول وبيصير عندك خيارين الاول انك تخليها دفاعية عشان تعزز فريقك يعني تدرب فيها بس جندي اول وحراس امبراطور او الخيار الثاني المفضل انك تخليها هجومىة وتبدا تدرب الجندي مهاجم وسلاح الفرسان وراح تستخدمها في اي هجمة انتحارية ضد اعداء تحالفك او تنضف بيها التحف


    ولا تنسى تحتفل وتخلي البلديات شغالة في كل القرى وهنا تبدا بالجيش بالقمحية والفرعية الاولى و لازم تطلع الساحة الحربية عشان تنهب بالسرعة وتذكر توصلها ل20 عشان تضمن التحف وابني الخزنة ووصلها ل20 بالعاصمه وفرعيتك اللي بجنبها وبقية القرى احتفل بيهم وخلي الانتاج كله يتوجه للفرعية الاولى



    اذا بتسال كيف انا اسلوب نهبي انا اسوي نوعين من قائمة المزارع وحده تضم فيها القرى الصغيرة جدا تحط عليها 3 جندي مهاجم و2 فرسان والنوع الثانية من القائمات تحط فيها كمية كبيرة من الجيش ولكن افحص كل قرية قبل لا تهجم عشان تضمن انها ما دربت اي جيش




    واذا مشيت علي هذا النحو بتطلع اكثر من 50 الف جندي مهاجم و25000 فارس موزعة على 3 قرى قبل التحف وتضمن لك 3 تحف


    وحاول انك تاخذ تحفة تدريب والتحفة الثانية استهلاك واذا قدرت تلحق الثالثة خذ تحفة مخازن واذا ما لحقت عوافي تحالفك بيعطوك بعد ما يستخدموها



    و بعد التحف راح اعطيك الخيار انك تستكشف اللعبة بنفسك وتلعب بطريقتك الخاصة




    ويمكن احد يسالني ايش تفضل سلاح الفرسان ولا القيصر , انا صراحة افضل القيصر عشان بيطلع قوة اكبر في وقت اقل والخيار راجع لك