خروج جروبنا من السيرفر

  • خرجت اليوم انا وجروبي (ابو ابراهيم ويحيى وأمجد) من السيرفر وعضوياتنا استلمها فريق اخر

    كنا اصحاب عضويات DETECTIVEegypt و VIP WeewEE
    نستودعكم الله, بالتوفيق للجميع

    دا كلام وملوش تسعيرة * أصل احنا اسامي كبيرة * علشان تدخل دايرتنا محتاج فيزا وتأشيرة (مهرجان أسود الأرض)

  • اللي سويته أنت بعت ربعك وأصحابك بفلوس ..!!


    تستوطن عندهم بالعمق وفي وسطهم بعدها تبيعهم بهالطريقة ..!!


    صحيح أنها لعبة لكن تبيّن معادن الرجال ي عزيزي ..

  • عيب والله شي مخجل انك نازل باسم رابطه و تسرد انجازاتك بالسيرفرات السابقة و بالاخير تبيع عضوياتك عشان المال بعض الاحيان السمعه تكون اهم من المال

  • اللي سويته أنت بعت ربعك وأصحابك بفلوس ..!!


    تستوطن عندهم بالعمق وفي وسطهم بعدها تبيعهم بهالطريقة ..!!


    صحيح أنها لعبة لكن تبيّن معادن الرجال ي عزيزي ..



    كذاب وبتقول عكس اللي حصل تماما :)

    اللي مستلم العضويات حاليا اصلا هما ربعي واصحابي ههههههههه ولا انت واخد وضعية اللي جاي من سيرفر تاني ومش عارف انا بلعب مع مين ؟!

    وبالنسبة للاستيطان بجانب اصحابي في العمق وفي الحلة فانت بنفسك الحمد لله اللي مصور الهجرة عند المعجزة وقت الحماية لما كانت المنطقة مهجورة مفيش فيها غير ال 150 عضوية بتوعي فقط :)


    انتم بس دمكم محروق علشان رفضت أكلم ابو سلطان واسلمكم العضويات بالألف دولار التعبانين بتوعكم


    وسلمت ابو احمد اقوى جيش في السيرفر حتى لو مش هاخد منه سنت واحد

    وفي الوقت اللي كانت ديتكتيف ايجيبت فيها هامرين واحد منهم 30 الف هراوة و 10 الف فارس واقوى هامر في السيرفر كان معاها ثلث مليون مدافع حراس ورمح وكتايب مخصصين ليها فقط هدية مخصوصة مني لابو احمد علشان عيونكم


    العيب الحقيقي اني اعمل حسابات وهمية وجديدة في المنتدى علشان أكتب تعليق أو ادي لنفسي لايك زي الأطفال علشان خايف اكون راجل واتكلم بأسمي المعروف , وانا لولا عارف الظروف الشخصية اللي بتمر بيها كنت زعلتك مني حتى وانا تارك السيرفر ;)


    ويا ريت تبطلوا هياط في السيرفر وتفضلوا تقولوا انكم طيارين وهتشتروا السيرفر كله بنص رواتبكم لانكم أهو مقدرتوش تشترو ديتكتيف ايجيبت. على فكرة الشباب عندنا مسمينكم رابطة الغواصين :)


    يا راجل دا لسة واحد من اللاعبين مراسلني على الواتس بيشتكي منكم انكم بتهددوه في رسايل اللعبة يا يبيع عضويته ليكم يا اما هتدمروله العضوية :cursing: ومصورلي الرسايل ولولا ان الراجل طيب وقلبه ابيض كان لبسكم في عقوبة يا غشيم


    انا عامل الموضوع علشان أوثق تاريخ خروجي من السيرفر مش علشان الكلام دا ولولا الناس في المنتدى اللي بحترمهم مكنتش رديت اصلا عليكم ولا اعتبرتكم موجودين

    دا كلام وملوش تسعيرة * أصل احنا اسامي كبيرة * علشان تدخل دايرتنا محتاج فيزا وتأشيرة (مهرجان أسود الأرض)

    Edited once, last by Trustmeee - Muhammad ().

  • ليه خرجت من السيرفر اخى

    شلون كانت تجربتك بالسيرفر وشو سبب خروجك

    والله يا اسامة السيرفر الحر عشق, ومفتاح الفوز فيه هو انك تقدر تنظم وتدير اكبر عدد ممكن من العضويات بأقل موارد بشرية

    بالنسبة لسبب خروجي هو اني سبت السيرفر كم يوم وسافرت ورجعت لقيت يحيى صاحبي كره السيرفر وقالي هنخرج وانا مش هلعب من غير يحيى والعضويات حاليا مع اصحابنا في نفس الرابطة مش مع الرابطة المنافسة زي الباشا مبيكذب :cursing:


    عيب والله شي مخجل انك نازل باسم رابطه و تسرد انجازاتك بالسيرفرات السابقة و بالاخير تبيع عضوياتك عشان المال بعض الاحيان السمعه تكون اهم من المال


    اسف مبردش على حسابات في المنتدى معمولة جديد علشان تكتب تعليق محدد, يا أما تتكلم بأسمك الحقيقي في المنتدى او تقول اسم عضويتك في السيرفر علشان اعرف انا بكلم مين , مش برد على حسابات مجهولة.

    دا كلام وملوش تسعيرة * أصل احنا اسامي كبيرة * علشان تدخل دايرتنا محتاج فيزا وتأشيرة (مهرجان أسود الأرض)

  • طيب انت بعت اللي معاك بالجهة ، أبو أحمد على عيني وراسي ..


    لكن مو تسلم له مفاتيح جهتك وأعضاء تحالفك ..


    والمصيبة أنك تقول هدفك معجزة وآخرتها تسلم عضوياتك لجنوب غرب وتعطيهم الخيط والمخيط ..


    ثانياً انا مو ابو عمر مع انه يشرفني عالأقل هو مو مثلك يتحالف مع احد خوفاً منه ، مثل ماسويت انت مع CM أنضمّيت لهم خوف ورهبة ..


    للمعلومية انا مش مع CM وربي لكن اللي تسوونه خوف وجبن ..

  • ثانياً انا مو ابو عمر مع انه يشرفني عالأقل هو مو مثلك يتحالف مع احد خوفاً منه ، مثل ماسويت انت مع CM أنضمّيت لهم خوف ورهبة ..

    يا ابني انت متأكد انك معانا في نفس السيرفر !!
    واضح انك عملت موضوعك بتاع تحليل الجهات ونمت بعدها ولسة صاحي بالامس ومش عارف ايه اللي حصل في السيرفر

    او عارف وبتكذب لغرض في نفسك. الله اعلم بنيتك بقا


    من امتى وانا بلعب مع سي ام ؟!! :/


    عزيزي دا قصة اللي حصل في السيرفر الحر بالظبط من أول يوم لحد يوم تسليم العضويات.


    دخلت انا ويحي وأمجد جروب صغير معانا اجمالي حوالي 230 عضوية في الجنوب الشرق

    يحيى وأمجد داخلين يلعبوا كدالك وانا كنت داخل علشان كنت مقرب اخلص بوت performance oriented يعني قادر على إدارة عدد كبير من العضويات بكفاءة وكنت محتاج بيئة اختبار معزولة من الصياد الالي علشان أختبر البوت فيها . وجت الشركة قدمتلي السيرفر الحر في التوقيت دا على طبق من دهب في توقيت قريب من توقيت انتهاء البوت , وضغطت نفسي في اخر اسبوع قبل بدء السيرفر علشان اخلصه والحمد لله خلصت نسخته البيتا بعد 8 ساعات من نفس يوم افتتاح السيرفر وسجلنا العضويات ودخلنا السيرفر كلنا جنوب شرق ومن اول 24 ساعة لقيت البوت اداءه فاق توقعاتي فقولت ليحيى وأمجد انا بالشكل دا هلعب معجزة يا جماعة السيرفر دا :love: ونوينا نكمل السيرفر معجزة مع نفسنا بدون الدخول في اي تحالف.


    بعد حوالي اسبوع عرض علينا تحالف في الشمال الشرقي اسمه N.C الاندماج قولتلهم معنديش مانع ألعب مع اي حد أهم شيئ عندي المعجزة تكون عندي, قالولي أوك واصبحنا فريق واحد وكلهم أخواتي لحد اللحظة دي مؤيد وابو رازي وعمرو واحمد القرني وسلطان وغيرهم من الشباب اللي زي العسل.


    وفي نفس التوقيت تقريبا كلمني واحد اللي هو ابو عمر من عضوية radezz وكان في cm قالي انا بلعب لوحدي لان اصحابي في العالمي, ممكن العب معاكم في فريقكم ؟ قولتله طبعااا يا باشا مفيش شيئ مؤلم اكثر من انك تلعب وحيد في ترافيان واعتبرته صديق ليا بجد وصورتله عضويتي وصورتله حتى البوت اللي مشغل بيه العضويات اللي مشافهوش حد غير يحيى وعرفته على يحيى


    بعد كده ابو عمر سلم عضوية radezz لابو سلطان من الشمال الغربي واخد بدالها عضوية hassan ومكمل بيها لحد اللحظة دي

    بعد كده جه ابو عمر طلعلنا في السيرفر باختراع دمج cm معانا في تاريخ 21 نوفمبر وهو دا اليوم اللي غير معالم السيرفر لحد اللحظة دي


    ابو عمر عملنا جروب ضم ابو نايف قائد cm صاحب عضوية legends وابو حمد(صاحب عضوية nightmemo قبل ميبيعها لحد من الطيارين) وابو سلطان قائد تحالف hd من الشمال الغربي وقالوا نندمج

    قولتلهم معنديش مانع اندمج معاكم بس المعجزة تكون عندي, ابو عمر وابو سلطان وابو حمد وافقوا وابو نايف قال نأجل كلام في المعجزة وفضلنا اكتر من 10 ساعات في الليلة دي نبعت تسجيلات صوتية ونكتب لحد مجالنا كلنا كالو في دماغنا من التفاوض على المعجزة. راح جاي يحيى وعمرو من الزهق قالوا طيب خلاص نندمج وانا مفتحتش بقي ولا قولت كلمة واحدة بعدها غير اني قولتلهم انا مش راضي عن الاندماج دا وهقول قراري فيه بكرة لان موضوع المعجزة مش محسوم عند ابو نايف اللي هو قائد cm واهم واحد فيهم ودخلنا كلنا نمنا من كتر الكلام والتعب


    تاني يوم صحيت على سيرفر مختلف تماما , كل الجهات بتلعب ضد جهة واحدة اللي هي SW والمعجزة مش محسوم أمرها قولت في نفسي أحا , يعني كل السيرفر هيلعب ضد SW !! وكمان مش هاخد المعجزة يعني لا متعة ولا معجزة !! روحت كلمت ابو احمد (لعيونها) وابو عبد العزيز (التميمي) وقولتلهم على اللي حصل واني مش راضي على الاندماج دا, راح ابو احمد وابو عبد العزيز في نفس اللحظة قالولي يا ابو ابراهيم ايه رايك تلعب معانا والمعجزة تكون عندك واحنا هنحميها وهندمرلك اي معجزة تطلع غير معجزتك واحنا اصلا مش داخلين نلعب معجزة احنا داخلين نلعب هجوم , وعاهدوني على كده وادوني كلمة رجالة واتفقنا نكمل السيرفر دا مع بعض للنهاية.

    روحت بلغت ابو عمر وابو سلطان وابو نايف وباقي الناس اني مكمل السيرفر دا مع SW , فجأة لقيت ابو عمر اتجنن !!!
    وقالي في الجروب قدام كل الناس اللي يبي يكون ضدنا يشد حيله ويا حبيبي احنا طيارين وبنص رواتبنا نشتري السيرفر كله :)


    أتاري الباشا بينه وبين SW عداوة قديمة ومصارحنيش بيها لما جه ينضم لجروبي في اول السيرفر وعايز يدمج السيرفر كله علشان يهزمهم :cursing:


    وفضلت العلاقة بيني وبين ابو عمر صداقة على خفيف لا بعتبره في فريقي ولا بعتبره عدو ليا.


    ودمجنا SW مع NC والرابطة الجديدة بقا اسمها KFO موجودة في الجنوب الغربي والجنوب الشرقي وجزء من الشمال الشرقي

    وفضل ابو سلطان (الشمال الغربي) مع ابو عمر و CM (الشمال الشرقي)


    وبكده اصبح السيرفر موزون وزي الللوز KFO ضد CM افضل 100 مرة من كل السيرفر ضد SW وكملنا السيرفر على كده جبهتين متوازنتين التنافس بينهم واضح للعيان وابو احمد اول مدخل معانا قال للشباب في NC على الواتس جيوشنا كلها فداكم واللي يمسكم يمسنا. وحاربنا ضد CM كلنا مع بعض


    في الوقت دا حصلي ظرف اضطراري وسافرت وترافيان بالكامل بتحالفاتها ومعجزاتها طلعت من دماغي رجعت لقيت يحيى بيقولي انا مليت من السيرفر يلا نخرج منه , قولتله وانا كمان بصراحة حسيت اني تعبت وخرجنا من السيرفر بعدها بكم يوم وسلمنا العضويات لابو احمد بعد صداع دام 3 ايام عن مصير العضويات ومين هيستلمها.




    انت مين بقا في الفيلم الهندي دا ؟ اللي فهمته من كلامك انك لاعب ليك عضوية في رابطتنا لكن بتحب CM أوي ومعجب بيهم :)


    على كل حال ميهمنيش انت عضويتك اسمها ايه جايز تكون خايف تذكرها لكن انا حكيت اللي حصل بالتفصيل علشان اقفل باب السيرفر دا بالنسبة لي للأبد وارتاااااح من صداعه ومتكلمش فيه تاني :saint:

    دا كلام وملوش تسعيرة * أصل احنا اسامي كبيرة * علشان تدخل دايرتنا محتاج فيزا وتأشيرة (مهرجان أسود الأرض)

  • خير يا محمد خيرها بغيرها وحظا موفقا في سيرفرات مستقبلية

  • فيه حاجة ماذكرتها

    لك اسبوع تساوم على عضوياتك تبي تبيعها

    تكلمني وتكلم ابو احمد مين يشتري عضوياتك ب الف دولار وانا وقتها كنت بشتريها لكن حصل لي ظرف وانت والشباب والسيرفر كله يعرفه

    انت ماقدرت تصبر الى ما ارجع انا وبعتها لابو احمد


    عموما انت داخل السيرفر تجارة وكلنا نعرف سواء الشمال او الجنوب وصرت معروف عندنا انك مجرد تاجر فقط

    واكبر دليل بداية السيرفر شريت منك موارد وحولت لك الفلوس ووصلت لك اليوم الثاني ! وانتظرت انت الى ماوصلت لك

    ويوم جيت اشتري عضوياتك قلت لك احولها لك الان على بنك الراجحي لكن نظامنا بالسعودية تحويل من بنك الى بنك اخر ياخذ وقت

    قلت لي لا انا عاوز المبلغ يوصل لي اول علشان اضمن حقي !

    يعني لو فيه ثقة بيني وبينك كان سلمت العضويات وحولت لك وانتهينا

    لكن انت صار عندك يأس وتتوقع ان ظرفي كان اصرفك

    حاب اقول لك مستحيل احد بهالدنيا يقول ابوه توفى اليوم علشان يتهرب منك ! مستحيل ابدا

    لكن الحمد لله على قضاء الله وقدره توفى والدي رحمه الله واجلت الكلام هذا و يوم رجعت لقيت انك بايع العضويات الى الجنوب والى الان ماستلمت ريال واحد


    انا بس اتمنى ان ابو احمد مايعطيك ريال علشان مره ثانية ما تتاجر

    تسجل ب ٢٧٠ عضوية علشان تخرب روح المنافسة بالسيرفر ويوم تشوف نفسك الاول تروح تبيع علشان تخرب السيرفر


    انا من رأيي ان اشكالك هم خراب ترافيان

    لو شريت العضويات انا كنت بنتحر بالمعجزة واحذف عضوياتك علشان تصير موازنه بالسيرفر لكن الحمد لله على كل حال


    صرنا ندفع فلوس علشان بس نرجع موازين السيرفر ونلعب بعدل



    عموما اتمنى ما اشوف لك رد علي هنا

    الله يستر عليك ويوفقك


    تشرفنا وياليت تسكر الباب وراك

  • ما أعرفكم .. بس صراحة رد قاسي

    الف رحمة ونور علي والدك أخوي ..

  • 10% من كلامك صدق والباقي كله متحور


    فيه حاجة ماذكرتها

    لك اسبوع تساوم على عضوياتك تبي تبيعها

    تكلمني وتكلم ابو احمد مين يشتري عضوياتك ب الف دولار وانا وقتها كنت بشتريها لكن حصل لي ظرف وانت والشباب والسيرفر كله يعرفه

    انت ماقدرت تصبر الى ما ارجع انا وبعتها لابو احمد


    انا مكلمتكش اصلا ولا عرضت عليك العضويات , يحيى اتفق مع ابو احمد يسلمه العضويات لما انا كنت مسافر وانت لما عرفت اننا طالعين من السيرفر والعضويات هتروح لابو احمد أتجننت على الواتس وجيتلي في نفس يوم رجوعي وقولتلي هدفعلك فورا 1000 دولار يا ابو ابراهيم بس تكفى متسلمش العضويات لابو احمد ,هنخسر لو سلمته العضويات , كلمتك امتى انا يا ابو عمر ولا روحت قولتلك بالله تشتري العضويات هههههههه ؟


    وبحكم انك صاحبي (او كنت معتبرك صاحبي :rolleyes:) قولتلك طيب يا ابو عمر. لكن الحمد لله ان البيع متمش ولما قولتلي تاني يوم لما والدك الله يرحمه تعب كلم ابو سلطان وهو هيسلمك الفلوس, قولتلك ايه ؟ رفضت أكلم ابو سلطان وقولتلك انا وافقت اتكلم معاك انت يا ابو عمر لانك كنت صاحبي وطالما انت تارك السيرفر مش هكلم ابو سلطان ولا هبيعله وقولت ليحيى يومها الحمد لله ان البيع متمش وانا اصلا مش مرتاح للموضوع كله وهسلم العضويات لابو احمد حتى لو مش هاخد منه سنت واحد :)


    ولو انا بدور على الفلوس كنت كلمت ابو سلطان وخدت منه الفلوس او حتى كنت استنيتك ظروفك تنتهى جايز ترجع للسيرفر (وللعلم انا مكذبتكش لما قولتلي ان والدك الله يرحمه تعب زي منت فاكر , منا عارف انه مريض فعلا وعارف انك صادق وقولتلك لو عايز استشارة انا والدي طبيب , يعني مش فاكرك بتصرفني ولا شيئ ! )


    على فكرة عضوية ديتكتيف ايجيبت لوحدها هي ومزارعها ودفاعتها اتطلبت مننا بمبلغ اكثر من الألف دولار بتوعك في الاسبوع التاني من السيرفر بعد الموضوع اللي اتعمل في المنتدى هنا بتاع تحليل الجهات من جروب من خارج السيرفر ورفضنا لاننا كنا وقتها بنلعب في السيرفر ومتحمسين وناويين نكمل فيه :)


    واكبر دليل بداية السيرفر شريت منك موارد وحولت لك الفلوس ووصلت لك اليوم الثاني ! وانتظرت انت الى ماوصلت لك



    بخصوص موارد اول السيرفر اللي ارسلتهالك في عضوية radezz يا اخي الله يسامحك

    انا لما ارسلتلك موارد في السوق علشان ارفعلك قمحية radezz كان لانك كنت وقتها في فريقي ورفعتهالك زي مرفعت قمحية يحيى وقمحية ديتكتيف ايجيبت وقمحية ابو رازي وقمحيات اصحابي وقولتلك ساعتها مش مهم الفلوس يا ابو عمر انا عمري مبعت مورد لحد ولا اتعاملت مع اللاعبين بشكل مباشر وانت عارف اني مبتعاملش مع لاعبين وانت بعدها اللي حولتلي فلوس وقولتلي لا يا ابو ابراهيم انا بحب كل شيئ يكون بحقه, مش انا اللي طلبت منك فلوس ولا حتى حددتلك سعر وارسلتلك التجار حتى ودخلت نمت.
    وكل حد كان بيسالني في السيرفر عن العضويات ويطلب شراء كنت بقوله دي عضويات خاصة للفريق بتاعي واصحابي مش عضويات بيع موارد.


    عموما انت داخل السيرفر تجارة وكلنا نعرف سواء الشمال او الجنوب وصرت معروف عندنا انك مجرد تاجر فقط

    انا من رأيي ان اشكالك هم خراب ترافيان


    حبيبي انا لا داخل السيرفر دا تجارة ولا داخل معجزة انا داخل اتيست البوت ولما لقيته نجح في السيرفر قولت ليحيى انا هلعب السيرفر دا معجزة لان اخر سيرفر دخلت لعبت فيه بنفسي بجدية ومزاج كان من فترة طويلة واللعبة وحشتني


    بيع عضويات ايه وبيع موارد ايه والف دولار ايه اللي بتكلم فيهم ؟ انا بكسب من ترافيان أكتر من الألف دولار بتوعك بكتير :) وتركت ترافيان كلاعب من اكتر من 5 سنين

    لكن عمري مبعت حباية قمح للاعب ولا اتعاملت مع اللاعبين العاديين اصلا بشكل مباشر, انا تعاملي كله مع التجار والفرق الكبيرة من خلال بيع custom bots في سيرفرات عربية وغير عربية التجار بيشغلوا بيها العضويات ويبيعوا منها للاعبين لكن مش بكسب من خلال بيع موارد وعضويات والهبل دا :)


    اه طبعا منكرش ان البوتات سبب رئيسي في خراب اللعبة ومن غيرها مش هيكون في تجار اصلا ولو عايز تشوف خراب اكتر فالسيرفر دا من اول يوم فيه وانا مهاك اكتر من ربع الأكونتات اللي فيه بس معملتش بيها حاجة علشان مزعلش حد من اللاعبين مني واحتراما لل ethics وسايب السيرفر لحد اللحظة دي يتحسم نتيجته طبيعي بالثكنات والاسطبلات :)


    لو شريت العضويات انا كنت بنتحر بالمعجزة واحذف عضوياتك علشان تصير موازنه بالسيرفر لكن الحمد لله على كل حال

    صرنا ندفع فلوس علشان بس نرجع موازين السيرفر ونلعب بعدل



    هههههههه لا يا شبخ ؟ يعني عرضت في العضويات الف دولار علشان تاخدهم وتحذفهم ويكون السيرفر موزون ؟؟؟ so cute :saint:


    لو شريتها كنت هجمت على منافسينك القدام زي مدفعت دم قلبك في السيرفر دا علشان تهزمهم وزي مكنت عايز تدمج السيرفر كله علشان تهزمهم وزي منت مستعد تدفع اي مبلغ علشان تهزمهم وتشتري اي عضوية علشان تهزمهم, انت مش عايز سيرفر موزون , انت عايز تهزم منافسينك باي شكل وباي تمن, ودا مش عيب على فكرة بالعكس انت لاعب ترافيان عنيد , لكن متعمليش بقا ملاك وتقولي هشتري عضوياتك واحذفها علشان السيرفر يكون موزون :D



    أبو عمر انت عارف وانا عارف ان كل الموضوع انك هتموت من القهر ان البيع متمش ليك بالألف دولار بتوعك والعضويات اتسلمت لابو احمد من غير مناخد منه سنت واحد ;)



    صحيح ليه مقولتش انك اكتر واحد في السيرفر دا بايع وشاري عضويات ؟ ولا نسيت مثلا عضوية radezz اللي كانت وقتها اقى جيش اللي بعتها لابو سلطان بحوالي 400 دولار (انا نسيت الرقم اللي قولتهولي بالظبط ومش هقول انت قولتلي بعتها ليه مهما قولت عليا) قبل ميكون صاحبك ولا نسيت عضوية hassan اللي اشتريتها ولا نسيت عضوية nightmemo اللي اشتريتوها وركبتوها طياراتكم في الوصف. منت تاجر اهو يا عم الحلو وبتبيع وتشتري وبتخرب السيرفر انت كمان ولا انا بس اللي بخرب السيرفر !! :cursing:

    على الاقل لما انت كنت عايز تدمج السيرفر كله ضد خصومك وتخربه انا عدلته :*


    ومقولتش ليه للناس انك عملت أخس شيئ ممكن يتعمل في ترافيان ؟ انك انضميت لفريقي وقولتلي ان ولائك لينا بس هتفضل في سي ام لحد متعمل جيش ؟! لانك مكنش عندك دفاعات وقتها لكن الظاهر ان اندماج سي ام مع الشمال الغربي والصداقة اللي كونتها مع ابو سلطان رفيقك في الجو قوة قلبك عليا.


    روح يا ابو عمر , مهزوم في السيرفر دا باذن الله :)

    يا ريتني مكنت عرفتك يا اخي ورفضتك ولا كان قلبي رق ليك في اول السيرفر لما قولتلي انك بتلعب لوحدك واصحابك في العالمي وانت مش معاك كود وطلبت تلعب في فريقنا.


    دا كلام وملوش تسعيرة * أصل احنا اسامي كبيرة * علشان تدخل دايرتنا محتاج فيزا وتأشيرة (مهرجان أسود الأرض)

    Edited once, last by Mhmd: بطلب من الكاتب ().

  • تسجل ب ٢٧٠ عضوية علشان تخرب روح المنافسة بالسيرفر


    حبيبي أهلا بيك في السيرفرات الحرة , لو مش قد السيرفر الحر مكنتش تسجل فيه من الاول ;)


    ولو اشتريت كل مزارع A series والتاجر بتاعهم سجلك 100 زيادة برضو هتخسر :)

    قال اخرب روح المنافسة قال , انت لو تقدر تشتري 1000 مزرعة هتشتريهم بس انت مش قادر

    دا كلام وملوش تسعيرة * أصل احنا اسامي كبيرة * علشان تدخل دايرتنا محتاج فيزا وتأشيرة (مهرجان أسود الأرض)

    Edited once, last by Trustmeee - Muhammad ().

  • ما أعرفكم .. بس صراحة رد قاسي

    الف رحمة ونور علي والدك أخوي ..

    وصرييييييييييييح



    صدق يوم قال ندفع فلوس عشان نوازن معادلة السيرفر

    اللهم صل وسلم على نبينا محمد 💐

  • ي حبيبي أنت لاتصير دراما بزيادة وتحاول تنتحل شخصية المظلوم قدام الكل ..!!


    ومع أحترامي لك , وبعيد عن اللعبة أنت شخصيتك متناقضة ..


    يوم مع CM ويوم مع SW اذا أنت بنفسك مو قادر تعطي كلمة لأحد وتوفي بها لا تعطيها منذ البداية ..


    كلمت يحيى ويحيى كلمهم ويحيى عطاهم الكلمه ويحيى كان يدير العضويات ويحيى ويحيى ويحيى << مسكين هاليحيى كل شيء بظهره هههههههههههههههههههههههههههههههه ..


    ولو أنت فعلاً حريص على الموازنة بناء على كلامك كان أستقليت عن CM و SW ونافست بكل شرف ..


    مسألة التعدد شيء راجع لك والسيرفر مسموح فيه هالشيء لكن لاتجي من مبدأ كسب تعاطف الغير ومحاولة أستمالتهم ..


    يعني قمة الغباء انك تدعي انك تنكر مسألة البيع وصاحبك يحيى معلق العبارة في وصف العضوية , ويقول أن العضوية للبيع ..


    وأدري أن ردك الآن بتقول يحيى بيبيع عضويته ماله علاقة بعضوياتي , لأنك خايف من الأعتراف بمسألة أنك تاجر ..!!


    لذلك راح أختصر الموضوع وأسدل الستار على قصتك الدرامية المثيره للعواطف ( الفلم الهندي ) على قولتك ..


    وأقولك الى مقبرة ترافيان ي عزيزي , فعلا اللي مثلك ماله صاحب ولا له كلمه , فأنت بالأول والأخير مجرد تاجر لا أقل ولا أكثر ..


    والله يعينك على نفسك ويصبرك عليها ..


    وأعيد وأزيد , صحيح انها لعبة لكن تبين معادن الرجال وتكشف ضعفهم ..

  • كأن الموضوع تحول إلى صد ورد شخصي !!

    أرجو من الجميع التحلي بضبط النفس وعدم الاستطراد في هذا الجدل.

    مع الشكر.

  • الموضوع دخل نطاق ٢٥٠ عضويه 🤣🤣


    يازين السيرفرات العاديه


    عالعموم استغرب الي يدفع تكاليف كبيره في لعبه زي ترافيان حدها تشحن ذهب بسيط تمشي فيه بلس و زياده ٢٥

  • الموضوع دخل نطاق ٢٥٠ عضويه 🤣🤣


    يازين السيرفرات العاديه


    عالعموم استغرب الي يدفع تكاليف كبيره في لعبه زي ترافيان حدها تشحن ذهب بسيط تمشي فيه بلس و زياده ٢٥

    صح وربي يحفظك ويكثر من امثالك



    لو اعلمك ان فيه واحد وفي احدى السيرفرات قدام عيني


    دفع ١٠٠٠٠ دولار




    فمابالك بالسيرفرات الباقيه والاعضاء الباقيين

    اللهم صل وسلم على نبينا محمد 💐

  • لاحظت الردود كلها متحفزة ضد Trustmeee - Muhammad


    اليس من حق اي لاعب الخروج من اي سيرفر ووهب العضويات بدلا من الحذف ؟

    خاصة إذا كان لديه اصدقاء بالسيرفر يمكنهم الاستفادة بالعضويات بدلا من ضياع المجهود بحذفها ؟

    وبصفة خاصة في سيرفرات حرة - مسموح فيها التعدد ؟؟


    أسألتي لم أسألها لانني انتظر الاجابة

    ولكن لا يهمني ان اعرف اسباب ترك السيرفر فلكل منا اسبابه الخاصة التي من حقه ان يحتفظ بها لنفسه



    ما يهمني هو تقييم السيرفر - هكذا يكون الموضوع اكثر افادة

    لذا اتوجه بالسؤال لكاتب الموضوع ولكل مشارك بالسيرفر

    ما تقييمك للسيرفر ؟

    هل اعجبتك فكرة السيرفرات الحرة ؟

    ما الفرق بينها وبين السيرفرات العادية في متعة اللعب ؟

    هل تحب ان يتم تكرار تجربة السيرفرات الحرة ؟

    ما المشاكل التي واجهتها بهذا السيرفر بسبب رفع القوانين ؟