خروج جروبنا من السيرفر

  • يا ابني انت مين اصلا ؟ وحاشر نفسك في الموضوع ليه ؟ :D انت سبب الرغي دا كله


    انا رديت عليك في الاول أصلا لاني افتكرتك ابو عمر, لكن انا وثقت خروج من السيرفر وقولت سلام عليكم


    لكن واضح انك في كلام كان نفسك تقولهولي في السيرفر او على الواتس وخايف مني ودخلت هنا بعضوية مجهولة تقوله على المنتدى


    موضوع بيع عضويات السيرفر الحر ميخصش حد غير ابو عمر وابو احمد ومؤيد, اي شخص تاني خصوصا لو حساب مجهول خايف يوضح عضويته ملوش عندي غير التجاهل



    ومسئلة اني خايف اقول اني تاجر !! حبيبي انا 100 تاجر في بعض لكن مش بتعامل مع اللاعبين بشكل مباشر وكنت كاتب في وصف ديتكتيف ايجيبت نظرا لاستمتاعي بالسيرفر بنهدي واحد من البوتات بتاعتنا لاي لاعب في السيرفر الحر مجانا "وذكرت اسم البوت" , والادمن بعدها حذفلي وصف ديتكتيف ايجيبت في السيرفر لانه اعتبره ترويج للبوت.


    وقولت هنا اني بكسب من ترافيان اكتر من 100 تاجر وبوتاتنا مش اي تاجر ولا اي فريق يقدر يدفع تمنها :) واحنا معروفين كويس عند فريق تطوير الصياد الالي في الشركة وعارفين بلد كل واحد فينا وفي بينا وبينهم تار وتحدي بقاله سنتين


    لكن السيرفر دا بالذات انا دخلت فيه كلاعب عادي جدا لان اللعبة وحشتني مش داخل بنية تحقيق اي مكسب ولما زهقنا من السيرفر وملينا خرجنا وعضوياتنا احنا حرين نعمل فيها اللي احنا عايزينه , اللي ليك عندي بس انها في النهاية في ايد KFO مش في ايد CM


    لو اتطاولت عليا تاني بالباطل اقسم بالله هزعلك وكفاية انك جبان وخايف تقول انت مين. X/







    طيب من عنيا يا احمد



    ما تقييمك للسيرفر ؟


    السيرفر ممتاز من ناحية انه بدون اي قانون ومليئ بالحرية


    لكن كلنا كلاعبين خابت امالنا وتوقعنا ان يكون فيه مشاركين اكثر من ذلك بكثير وعضويات اكثر من ذلك بكثير, لكن مفيش مجموعة عضويات كثيفة اتسجلت غير العضويات بتاعة فريقي وعضويات A series ودي مجموعة عضويات بتبدأ بحرف A وحاليا هي مع CM وعضوياتي مع KFO الباقي لاعبين منفردين كل واحد مسجل حوالي 5 عضويات مثلا ما بين دفاعات ومزارع ومصافط.


    هل اعجبتك فكرة السيرفرات الحرة ؟


    جدا وهي مش فكرة جديدة , كانت موجودة في السابق لكن زاد عليها فقط السماح بالبوتات علنا.


    ما الفرق بينها وبين السيرفرات العادية في متعة اللعب ؟


    الفرق بينها وبين السيرفرات العادية هي الشعور بالحرية التامة وان مفيش حدود لاي شيئ , لا حدود في النهب ولا حدود في الدفاعات, والفريق اللي يقدر ينظم ويدير اكبر عدد ممكن من العضويات هو اللي هيفوز



    هل تحب ان يتم تكرار تجربة السيرفرات الحرة ؟


    طبعاااا بس يا ريت يكون في توقيت مناسب علشان يشهد اقبال اكثر كثافة لان السيرفرات الحرة مش سيرفرات عادية ومش اي لاعب بيقدر يلعب فيها لازم وقتها يكون مدروس بعناية

    وعلى فكرة لو السيرفر كان في وقت مختلف وفيه اقبال اكثر كانت الشركة هتحقق منه مكاسب أكبر , لان الفرق الكبيرة بتشحن دهب كتير في كل العضويات مش بس العضويات الرئيسية.



    ما المشاكل التي واجهتها بهذا السيرفر بسبب رفع القوانين ؟


    امممم, مفيش مشاكل, بس لاحظت ان لاعبين كثيرين من اللاعبين النظاميين اللي مش متمرسين في موضوع التعدد واجهتهم مشكلة ربط عضوياتهم الرئيسية بمزارعهم لانهم دخلوا من نفس الشبكة او من نفس الجهاز

    وتسجيلة الدخول الواحدة الغلط من نفس الشبكة او بنفس الكوكيز هتكلف اللاعب شلل تام في النهب لمدة 14 يوم لحد الارتباط بين العضويات ميتفك في نظام الحماية من دفع الموارد.


    كان باقي قانون واحد فقط هو اللي مش واضح هو موضوع ان العضويات اللي تعمل بالكامل على البوتات ستتعرض للحذف , اللاعبين مكانوش فاهمين القانون دا كويس مقصود بيه ايه ؟ يعني العضويات اللي شغاله 24/7 ولا العضويات اللي مش بيتم تسجيل الدخول فيها يدويا علشان كده عضوياتنا كنا بندخل عليها يدويا ونتابعها يدويا كل فترة بجانب التشغيل الالي وكنا بنقفلها كل فترة علشان نريح السيرفر بتاع الشركة.


    فيا ريت النقطة دي تكون واضحة بعد كده في اي سيرفر حر جديد يفتح.



    دا كلام وملوش تسعيرة * أصل احنا اسامي كبيرة * علشان تدخل دايرتنا محتاج فيزا وتأشيرة (مهرجان أسود الأرض)

  • انا ما اتدخل في اموالهم الشخصيه بس اشوفه هدر والله