Posts by ibrahim94

    عليكم السلام

    فعلا انا كنت افكر بنفس الامر ايضا

    واتمنيت لو ينضاف

    انشاء الله بوصل اقتراحك للادارة

    مشكور اخى 💓

    السلام عليكم ،

    اعتقد ان فيه ميزة هتسهل حياة كل اللاعبين لو اصبحت موجودة


    اعتقد لازم يضاف خيار فى التقرير بمجرد الضغط عليه يرسلك مباشرة لمحاكى المعركة مع عدد جيش العدو الموجود بالتقرير والتعزيزات ان وجدت وعدد سكان عضويته بشكل تلقائى

    ده افضل كتير من الاضافة اليدوية وتنسى العدذ وترجع تبص على التقرير

    الخيار هيسهل العملية جدا وهيكون مفيد ، اتمنى اضافته

    الحديد 10

    القمح 5

    الطين 3

    الخشب 4

    الناتج 43


    ملحوظة : بعض الأشخاص هتجمع الاول بعدين تضرب فهيبقى االناتج 70 وده غلط ، لان الضرب يسبق عملية الجمع زى ما حصل فى المثال الاول

    السلام عليكم ورحمة الله وبركاته ، هى مجرد وجهة نظر لكن الموضوع ناقصه سؤال مهم ، هل انت بتلعب لوحدك ولا معاك حد

    لو لوحدك فالافضل دائما تكون موجود من اول يوم ، مع تطبيق الخطوات الصح للاستفادة من البطل هتنافس على كل شئ من اول يوم ، الاهمية لنادى الذهب طبعا عشان تاخد افضل قمحية فى المنطقة لو متوفرة ، شخصيا اخد قمحية 100% جنب قريتى الام افضل ما اروح اخر الدنيا ، عمرى ما جربت نظرية الهجرة لكن شخصيا مبحبهاش


    اما لو معاك اصدقاء فلا اظن هتفرق تحديدا هتنزل بعد يوم او بعد اسبوع او حتى اكثر ، وجود اصدقاء بيساعد فى تيادل الموارد الناقصة دون الحاجة لذهب مثلا ، لو كنتم 3 فانتم تلعبوا على اساس 3 جيوش وليس جيش

    فرضا وصلتم متاخر اسبوعين وكان جيش الاول على السيرفر 1000 ، بعد اسبوعين كمان اصبح جيشه 2000 واصبح جيش كل منكم مجرد 700 ، لو هجم على عضو فيكم قادرين بمجموع القوات تصدوا اقوى جيس موجود رغم التاخر اسبوعين فى التسجيل عادى جدا

    الخلاصة لو انت لوحدك يفضل تماما تبدأ اول السيرفر لكن لو معاك فريق يفضل برده اول السيرفر هههههه وده لسبب بسيط ، ليس قوة الجيش فالاصدقاء بعوضوه وليس عدد السكان او الموارد ، على العكس لو دخلت متاخر اسبوع هتلاقى مزارع كتير جاهزة

    الفكرة كلها فى القمحيات وهى السبب الوحيد للبدء اول السيرفر ، انما اى شئ اخر بيعوضه الفريق

    اللعبة كبيرة جدا وكل ما تفكر انك عارف كل حاجة تكتشف شئ جديد

    حقيقى تعليقك اسعدنى وهو اجمل ما فى يومى حتى الان ، ربنا يبارك لك اخى ويسعد ايامك ❤

    السلام عليكم ، قد تطول الاجابة لكن اتمنى تبقى مفيدة وانا امسح التقارير بشكل يومي لان بتضايق من رقم 99 الى تحت ، بلعب حالين بسيرفرين ، العربى السادس ، وترافيان الظل الى بدأ من كام يوم ، الاسم بالاتنين ibrahim94

    1 - قد يبدو الامر غريب بس اول نصيحة هى الصديق قبل الطريق ، ترافيان ابعد ما تكون عن انها تكون لعبة فردية ، دخلت العربى السادس متاخر 24 يوم يمكن وده رقم كبير جدا جدا ، جاتنى رسالة من شخص عشوائى ايه رأيك نلعب ثنائى ونساعد بعض ومع تالوقت بقينا 4 ، خلال فترة صغيرة جدا حاليا جيوشنا كبيرة بما فيه الكفاية عشان تعمل ضرر لاى شخص كان رغم تاخر البداية ، الصديق قبل الطريق مهما كنت قوى اذا اتلم عليك كذا شخص انت انتهيت ،،


    2- البطل هو رأس مالك اول الجيم ، لا داعى لاهدار النقط على الموارد ، كل النقط بالكفاية .. فضى الواحة وانهب 4000 اول هجمة ، دول يغنوك عن كل انتاجية البطل ، الاهم لازم نهب الواحة كل ساعة


    3- عن تجربة شخصية اهم شئ باللعبة هو نادى الذهب ، فى البداية كان اعتراضى ان الهجوم على قرى صغيرة تجيب بال 100 وال 200 موارد هو مجرد مضيعة للوقت ، وهجوم على قرية كبيرة اهم بكتير من الموارد الصغيرة دى ، لكن الحقيقة ان القرى الصغيرة هى رأس مال اللعبة ، كل قرية 3-5 جنود ومع الوقت يكبر جيشك وتكبر المزارع


    5- الساحة اولوية وقبل المقاليع وقبل حتى الجيوش الكبيرة ، الساحة توفر عليك وقت عودة الجنود بالذات فى البداية والعدد محدود ، ده هيساعد تبعت الهجمات اكتر واسرع وبالتالى نهب اكتر ، نقطة التجمغ سهل تترفع 20 ، واول 10 مستويات فى الساحة سهلين جدا


    6- مش لازم تشحن دهب لو الامور صعبة ، هى 50 ذهبة تفعل فقط زيادة الذهب للقمح 25% ، اهم من كل الموارد الاخرى خصوصا مع القمحية ، القمحية هى رأس مالك فلو مش هتقدر فقط اشحن 100 ذهبة اذ قدرت وفعل زيادة القمح لمدة 20 اسبوع وده رقم ممتاز وهيساعدك ضد السالب جدا


    7- حاجات زى المصانع الحربية والاكاديمية يفضل لو بنيتها تخلص منها بسرعة فى القمحية مش تسيبها لما تحتاج تبحث منها جنود ، لان مع الوقت هتهد كل شئ فى القمحية وتبنى مخازن


    8- اى عضوية قوية لازمها اكتر من قمحية حاول تستوطن كل القمحيات وشبه القمحيات حواليك بيساعدول جدا فى دعم السالب


    9- الجواسيس يفضل يكونوا من القمحية ، اه زى ما سمعت كدا ، طلع منها جواسيس كتير جدا ، ووزعهم على كل قراك ، لو قررت تتجسس على هدف كبير بترجعهم كلهم لقريتهم الام ويبقى معاك عدد كبير جدا من الجواسيس ينجحوا ضد اى عدو ان شاء الله ، افضل ما تطلع من كل قرية كام 100 جاسوس وكلها هجمات تخسر ، خلى جواسيسك من قرية واحدة وززعهم على قراك ووقت التجسس اسحبهم


    10 - اذا نويت تعمل عضوية هجومية بالكامل لازم يكون 2 من فرعياتك دفاع على الاقل ويكونوا قرى ذات واحات قمح ، وقت الهجوم عليك بهجمات وهمية ، حتى لو انت متاكد انها وهمية هتطلب دعم لانك 0 دفاع وساعتها هتضيع وقت التحالف وهتستحمل سالب كبير ، فيفضل يكون عندك قريتين دفاع عنك بواحات قمحالبنك تطلع منهم 6000-7000 مدافع يصدوا الوهميات اولا حتى الهجمات الحقيقية لحين قدوم الدعم


    11- اى عاصمة من دون حجار هى مجرد فرعية قوية لا اكثر ، الى بيخلى العاصمة عاصمة هو الحجار مش القصر وهو اهم مبانى العاصمة


    12 - يفضل يكون معاك اكثر من كتاب تغيير ، حط النقط هجوم او دفاع براحتك ، لكن وقت الرخاء النقط بالموارد البطل بينتج 3000 قمح ، قادرين ينقذوا جيش كامل


    13- الفرعيات مهمة جدا للدعم ، لو قررت تهاجم شخص ما مع اصدقائك ، تمويه لمدة يومين ، اى شخص عاقل هيحمى العاصمة ، تقدوا وسط الهجمات الوهمية تضربوا لاى شخص 3 فرعيات ، وهو مش هيقدر يحافظ على سالب القمح لوقت طويل ، يا هيرجع التعزيزات يا هيموتوا من قلة الدعم ، لا تستهين بضرب الفرعيات لانها واحدة من انجح خطط اللعبة لو مش جاهز لضرب العواصم


    14- اذا داخلين قرية قوية يفضل يكون هجمة المقاليع اذا متاكد انها هتصيب ان هدفها يكون الصوامع ، اذا نجحت هجمة الصوامع حتى اذا خسرت جيشك فى الغالب جيش عدوك ميت بالسالب


    15- افضل مواعيد الضرب هى بليل قبل الفجر ، حتى لو الهدف فاتح هيكون معظم التحالف نايم ، بعد 7-8 ساعات لما يصحوا تكون انت قربت من هدفك والدعم بقى اصعب ، اختيار وقت الهجمة هو نصف الهجمة


    16- تحت اى ظرف لا توقف الثكنات ولا تخاف من السالب ،طالما النهب شغال لو سالب 100 الف هتستحمله ، الخوف ان النهب يقف فقط


    17 - اللعبة محتاجة وقت وصبر لازم تبقى متابع كل ساعة فافضل حل انك تتابع من الموبايل افضل بكتبر ما تستنى ترجع البيت وتفتح من كمبيوتر ، التليفونات هى اكبر حل للعبة حاليا حاول تستخدمه


    18، جوجل كروم هو افضل متصفح تلعب عليه


    19 - يفضل لو كنتم مجموعة تقسموا نفسكم نص هجوم ونص دفاع ، اذا المجموعة محترفة هتبقى تكتل بتحالف لوحدهم ، المدافعين كل عضوية قادرة توصل 30-40 الف مدافع والمدافعين رخاص ، والمهاجمين قادرين بفتحوا لهم مزارع ، وبكدا تالمدافع والمهاجم مستفيد ومعاهم جيش دفاعى يصد اى حد مهما كان


    20 - اذا سجلت مع اصحابك سجلوا بنفس الدقيقة بتنزلوا قريبين من بعض فى معظم الحالات


    اتمنى يكون احد استفاد واعتذر على الاطالة ، لا تنسوا الصلاة على خاتم الأنبياء والمرسلين