على هامش الكتابة

    • ‎لو بتحلم ميت حلم وطموحك يجري ف الدم لوبتقوي بإرادتك
      لسه الحزن زي السم
      بيقتل كل فرحه فيك وكل نبض حلو بيناديك
      ممكن تلاقيه ف ثانيه فجأه بيقضي عليك
      ‏.
      لو شايف دايما الامل وشايل حملك زي الجبل
      لو سايب كله ع الله ومايهمكش ايه العمل
      لسه الضعف جوه منك بيحاول يداري عنك
      بس باين عشان انت عايش سن مش سنك
      لو وجعك مهما كان انت قادر ع الكتمان
      مافيش زيك ف ابتسامتك قدام اي انسان
      بس دموعك مداريه وروحك من الهم مش هيه
      عشت لوحدك وبرضو لسه محاوطاك الأذيه
      ‏.
      زي الجبل من بعيد بس وراه قلب وحيد
      مكسور من الوجع بس يبان انه حديد
      بيمشي ودايما يتألم من غير حتي مايتكلم
      بكره هيجي ويتغير بكره يكبر ويتعلم
      واللي راح هينساه وهيتعلم من الحياه
      انه لازم يكمل ولو ماكنش حد معاه
      ‏.
      منقول / فجر .
    • هيصيبك هو نصيبك
      بس طيبتك اكبر عيبك
      بلاش تمسك ف اللي راح
      عشان كله هيسيبك

      وبطل تضحك ع نفسك
      وشوف الدنيا زي شمسك
      واضحه وع عينك ياتاجر
      واتعلم ياريت من امسك

      ان الحلم مش حقيقه
      والناس مش بريئه
      معجونه في الكدب
      ومفهومه الطريقه

      انت ع الارض مش فوق
      فمايبقاش املك ف مخلوق
      اتمسك بس بربك
      ولو متعشم ف حد
      اتمنى انك تفوق ....

      منقول / فجر
    • بعد ده كلو مايعرفوناش والعمر اللي عدا راح بلاش
      كنت معاهم ومش معاهم بقيت ولا حاجه وماتسواش
      ‏.
      اتعب قلبك ١٠٠مره ودوق عشانهم حياه مره
      حياتك ماتمشيش عادي قيد نفسك وروحك حره
      ‏.
      كل املك نظرة رضا وحلم يحققه القضا
      بس طموحهم فيك اصبح شئ قد مضي
      ‏.
      وانتهي كل اهتمام عشان شويه كلام
      موتوا قلبك بالبطئ وبقيت ولاحاجه من الالام
      ‏.